خبايا الويب سايت و محركات البحث

محركات البحث - Search Engine Marketing

تعالو بينا نعرف خبايا الويب سايت و ال SEO و موضوع ال
Organic Search : Search Engine Marketing 
أحنا عارفين ان الويب سايت مهم علشان بيدي نوع من المصداقيه في للشركه.
بس دا جزء صغير من اللي ممكن يعمله الويب سايت للشركه.
الويب سايت بيدي للشركه مجال انها تظهر في محركات البحث في الصفحات الاولي؛ بس يا تري ايه اللي بيخلي الموضوع دا يحصل
علشان لما بنعمل الويب سايت بندور علي كلمات معنيه مرتبطه بموضوع الويب سايت. الكلمات ديه بيتم اختيارها بدقه.
*لازم تكون مرتبطه بموضوع الويب سايت او الصفحه.
*لازم تكون مختاره بطريقه ان يكون فيه ناس كتيره بتبحث في محركات البحث علي الكلمه نفسها.
مش بس الكلمات اللي بتخلي الويب سايت باين في الاول في محركات البحث ؛ فيه كمان حاجه اسمها Meta Description؛ عمرك دورت علي حاجه في الانترنت و لقيت طالع في الاول سطرين ثلاثه عن موضوع البحث هو دا ال Meta Description
كمان من ضمن الحاجات المهمه حاجه اسمها ال Backlinks
ديه بتكون ارتبطات من مواقع لها مصداقيه مع موقعك
و فيه حاجات تانيه كتير تخلي موقعك في اول صفحه في محرك البحث.
شغل ال SEO عامل ذي تشطيب البيت محتاج سباك – كهربائي – نقاش – الراجل بتاع السيراميك و هكذا علشان البيت يطلع جميل و الناس تبقي مستريحه فيه. محركات البحث بتحب الويب سايت اللي متعوب عليه.
ماشي دا بقي كله حيعمل ايه و لا حينفع بايه؟ بص يا سيدي فيه ناس ممكن تدفع لاعلانات جوجل مئات الدولارات بل آلاف الدولارات علشان تطلع في اول صفحه في محرك البحث.
شغل ال SEO اللي بيتعمل علي موقعك بيخليك تطلع في الأول بدون ما تدفع الأرقام الرهيبه ديه
دا اللي بيسموه ال Organic Search
يعني انت بتوفر كتير جدا جدا علشان تخلي الناس تشوفك علي الأنترنت.
Search engine marketing

1 thought on “خبايا الويب سايت و محركات البحث”

  1. Pingback: التسويق الالكتروني عن طريق السوشيال ميديا

Leave a Comment

Your email address will not be published.

× Contact us